پھلائی کا شہد: پوٹھوہار کی پہاڑیوں کا ہلکا سنہری شہد، جو دیر تک مائع رہتا ہے

پھلائی کا شہد پوٹھوہار، کوہاٹ اور سوات کی پہاڑیوں میں کھلنے والے پھلائی کے درخت کے پھولوں سے بنتا ہے۔ یہ ہلکا سنہری، نرم مٹھاس والا شہد ہے جس میں پھولوں جیسی ہلکی مہک ہوتی ہے، اور یہ کئی دوسرے شہدوں کی نسبت دیر تک مائع رہتا ہے۔ اس کا موسم بہار ہے، اور ہمارے پاس یہ چھوٹی مکھی اور بڑی مکھی (ڈُمنا) دونوں کا دستیاب ہے۔

پھلائی کون سا درخت ہے؟

کیکر کے خاندان کا ایک چھوٹا، کانٹے دار اور سخت جان درخت۔ اس کا سائنسی نام پہلے Acacia modesta تھا، اب اسے Senegalia modesta کہا جاتا ہے۔ یہ پاکستان، بھارت اور افغانستان میں عام ہے، تقریباً 3 سے 5 میٹر اونچا ہوتا ہے، اور کم بارش والے خشک علاقوں میں بھی آسانی سے اگتا ہے۔

بہار میں اس پر کریم رنگ کے پھولوں کے لمبے خوشے کھلتے ہیں، اور انہی سے مکھیاں رس جمع کرتی ہیں۔

مسواک والا درخت

پاکستان اور بھارت میں پھلائی کی نرم ٹہنیاں مسواک کے طور پر استعمال ہوتی رہی ہیں۔ اس کی سخت لکڑی ایندھن کے کام آتی ہے، اور اس سے گوند بھی نکلتی ہے۔ 2018 میں خیبر پختونخوا میں شجر کاری کی مہم میں بھی پھلائی بڑی تعداد میں لگائی گئی۔

پھلائی کا شہد: ایک نظر میں

پھلائی اور کیکر میں فرق؟

دونوں ایک ہی خاندان کے درخت ہیں، مگر شہد الگ ہیں۔

ہلکا ذائقہ پسند ہو تو پھلائی، بھرپور ذائقہ چاہیں تو کیکر۔ کیکر کے شہد پر ہماری تحریر یہاں۔

یاد رہے کہ دنیا میں «ایکیشیا ہنی» کے نام سے جو شہد مشہور ہے، وہ اصل میں روبینیا کے درخت کا ہوتا ہے، پھلائی کا نہیں۔

سردیوں میں جم جائے تو؟

یہ خرابی نہیں، شہد کی فطرت ہے۔ پھلائی کا شہد عام طور پر دیر تک مائع رہتا ہے، مگر سخت سردی میں جم سکتا ہے۔ جار کو کچھ دیر نیم گرم پانی کے برتن میں رکھیں۔ کھولتا پانی یا مائیکرو ویو استعمال نہ کریں۔ جمنے کے بارے میں غلط فہمیاں یہاں اور شہد رکھنے کا طریقہ یہاں پڑھیں۔

کیسے کھائیں؟

• بچوں کا ناشتہ: ہلکے ذائقے کی وجہ سے بچے اسے شوق سے کھاتے ہیں، مگر صرف ایک سال سے بڑے بچے۔ تفصیل یہاں۔
• سبز چائے اور قہوہ: ہلکا ذائقہ چائے کی خوشبو کو نہیں دباتا۔ چائے نیم گرم ہو جائے تو ملائیں۔
• دہی اور دلیہ: سادہ دہی یا دلیے پر ایک چمچ۔
• لیموں پانی: ٹھنڈے پانی میں بھی آسانی سے گھل جاتا ہے۔

شوگر کے مریض شہد اپنے ڈاکٹر کے مشورے سے استعمال کریں۔

پہاڑوں اور درختوں میں گھر

قرآنِ مجید میں اللہ تعالیٰ فرماتا ہے:

«اور تمہارے رب نے شہد کی مکھی کے دل میں یہ بات ڈالی کہ پہاڑوں میں، درختوں میں، اور ان چھپروں میں جو لوگ بناتے ہیں، اپنے گھر بنا۔» (سورۃ النحل، آیت 68)

پھلائی کا شہد اسی آیت کی ایک تصویر ہے: پہاڑ بھی، درخت بھی، اور ان کے بیچ مکھی کا گھر۔

پھلائی کا شہد چھوٹی مکھی اور بڑی مکھی (ڈُمنا) دونوں کا، 500 گرام اور 1 کلو کے جار میں دستیاب ہے، لیبارٹری سے ٹیسٹ شدہ۔ مقدار محدود ہوتی ہے، اسٹاک واٹس ایپ پر تصدیق کر لیں۔ پھلائی کا شہد دیکھیں۔ دونوں مکھیوں کا فرق یہاں پڑھیں۔